Lourdes Domínguez volve tres anos despois ao equipo español de Copa Federación
Por Redacción
Estar de novo no Top-100 Mundial significou tamén para Lourdes Domínguez volver ao equipo español de Copa Federación.
A capitá nacional, Conchita Martínez, incluíu á pontevedresa no equipo que se enfrontará a Serbia na primeira rolda do Grupo Mundial 2, que se disputará os días 6 e 7 de febreiro en Kraljevo.
Xunto a Lourdes, defendendo ao equipo español, estarán dúas Top-10 mundiais como Garbiñe Muguruza e Carla Suárez, ademais de Lara Arruabarrena.
"Sabemos que será una eliminatoria complicada, como lo son todas las que se juegan como visitante, pero veo un equipo ilusionado, con calidad y compromiso, y con muchas ganas de obtener una victoria para nuestro país", sinalou Conchita Martínez á Federación Española tras dar a coñecer a convocatoria.
Lourdes retorna así á Copa Federación tres anos despois, nunha eliminatoria que se xogará en pista dura baixo teito.