Saleta Castro recorre ao 'crowdfunding' no seu camiño a Hawaii
Por Redacción
Conta cunha nómina de patrocinadores que lle axudan a seguir competindo a nivel internacional nun deporte tan duro como o Ironman, pero non é suficiente.
Por ese motivo a pontevedresa Saleta Castro decidiu apuntarse ao micromecenado (crowdfunding) no seu camiño ao Campionato do Mundo de Ironman en Kona, Hawaii, que se disputará o próximo mes de outubro.
Saleta, aos seus 28 anos, quere estar na meca do tríatlon de longa distancia na categoría profesional, pero antes debe lograr a súa clasificación nun esixente calendario, e é que só 35 mulleres participan cada ano en Hawaii.
Por iso, e para preocuparse só no deportivo, a pontevedresa pide axuda económica para custear a tempada nun deporte con moitos gastos e longos períodos de adestramento lonxe de casa.
Saleta apuntouse á plataforma 'Marca Patrocínalos', que impulsa o diario deportivo madrileño, solicitando 10.000 euros de axuda para continuar coa súa carreira deportiva.
Como premio aos que colaboren obsequiarase aos mecenas con diversos agasallos en función da cantidade ingresada. Se achegan 25 euros a triatleta enviará unha foto asinada, con 100 será unha camiseta oficial cos seus patrocinadores e con 500 euros poderase gozar dunha master class personalizada ao longo dunha xornada de adestramento.
Relacionadas:
-
Saleta Castro recobra a moral cun fantástico sexto posto no Ironman de Frankfurt
Por Diego Espiño |
-
A semana máis dura de Saleta Castro
Por Diego Espiño |
-
Texas, cita clave para Saleta Castro
Por Diego Espiño |
-
Décimo posto para Saleta Castro no Ironman 70.3 de Monterrey
Por Redacción |
-
Monterrey, primeira parada do ano para Saleta Castro
Por Redacción |
-
Brillante quinto posto de Saleta Castro no Ironman de Malaisia
Por Diego Espiño |
-
O Ironman de Malaysia, último gran reto do ano para Saleta Castro
Por Diego Espiño |
-
Novo éxito de Saleta Castro na media distancia: terceira no Ironman 70.3 de Lanzarote
Por Redacción |