O Ribadumia rescata un punto en Verín no último minuto e cun gol en propia porta (1-1)
Por Redacción
Partido entre dous rivais directos e empate final na última xogada do partido. O Ribadumia salvou os mobles no José Arjiz fronte a un Verín que dispuxo de máis e mellores ocasións, adiantouse no marcador, pero terminou marcando en propia meta o gol que dá un punto aos de Sierra, co que polo menos conseguen evitar que os ourensáns se lles escapen na táboa.
Non foi un bo partido do Ribadumia, que xogou en bastantes momentos a mercé do Verín. O equipo local adiantábase no marcador xusto antes de irse ao descanso, aos 44 minutos, por medio de Iago Beceiro.
Os visitantes adiantaron liñas na segunda parte, pero non estiveron acertados nos últimos metros, ata que no desconto víronse favorecidos pola fortuna cando Lamelas marcaba en propia meta, establecendo o empate.
Con este resultado o Ribadumia segue metido de cheo en postos de descenso, aínda que a curta distancia dos equipos que lle preceden na táboa clasificatoria.
Consulta aquí o acta do partido.
Relacionadas:
-
O Ribadumia segue sumando e sorprende ao Boiro en Barraña (1-1)
Por Redacción |
-
Curto pero vital triunfo do Ribadumia (1-0) que perdoou demasiado fronte As Pontes
Por Redacción |
-
Goleada do Ribadumia ao Órdenes (4-1) para achegarse á salvación
Por Redacción |
-
As expulsións lastran ao Ribadumia ante o Galicia Mugardos (1-1)
Por Redacción |