Arxil leva un derbi de infarto impoñéndose pola mínima a Cortegada (56-57)
Por Redacción
Derbi de alta voltaxe e emoción ata o asubío final. O Arxil tomou Fontecarmoa, derrotando a Kemegal Cortegada por só un punto, nun partido no que as defensas superaron aos ataques. A vitoria permite ás de Mayte Méndez seguir na pelexa polas catro primeiras prazas, opción da que parece quedar definitivamente descartado o cadro arousán.
Cortegada comezou o partido máis acertado, asinando un excelente primeiro parcial (21-12) e mantendo esa renda ata o descanso (35-26).
O paso polos vestiarios sentou mellor ao Arxil, que axustou o seu defensa ao máximo para reducir as diferenzas ata unha curta marxe (45-43). Esa defensa foi a clave no últimos dez minutos, nos que unha vez máis a faceta defensiva foi clave para deixar a Cortegada en só 11 puntos de anotación.
A falta de tres minutos o marcador reflectía un apertado 50-53 para o equipo verde, que logrou impoñerse nun emocionante desenlace, cun parcial de 11-14 ata o mínimo 56-57 final.
Dentro da igualdade do partido, a xogadora máis valorada do choque foi a local Amy Sill, autora de 16 puntos, 9 rebotes e 19 de valoración. Por parte do Arxil, que acusou a baixa de Yanique Gordon, aínda sen arranxar os seus problemas de visado, cabe destacar o acerto no lanzamento de tres de María González Centeno (3 de 4 intentos)
Relacionadas:
-
O Arxil non atopa o seu xogo e vese superado ante León (45-63)
Por Redacción |
-
Final feliz ao serial do Arxil con Yanique Gordon
Por Redacción |
-
Pendentes de Yanique Gordon por segunda xornada consecutiva
Por Redacción |
-
Un mal arranque de partido condena ao Arxil en Vitoria (64-51)
Por Redacción |
-
Volve a liga Feminina 2 para un Arxil que viaxa ao País Vasco coa dúbida de Yanique Gordon
Por Redacción |