Poio Pescamar gaña pero termina sufrindo na súa visita ao pechacancelas Elche (2-3)
Por Redacción
Se gañar sufrindo sabe mellor, a vitoria do Poio Pescamar na súa visita a Elche ten sabor a verdadeira gloria. Certo é que se esperaba conseguir gañar con maior facilidade, máis despois de retirarse ao descanso cunha clara vantaxe de tres goles, pero o partido complicouse no últimos cinco minutos e as mozas de Jorge Basanta tiveron que aguantar o ballón do equipo ilicitano, que buscou ata o final sen éxito a súa primeira vitoria ligueira.
Coa vitoria, e a falta dun partido para a conclusión da primeira volta, o Poio Pescamar suma 19 puntos, que lle deixan nunha posición moi desafogada, co obxectivo da permanencia na máxima categoría ao alcance da man.
O Poio Pescamar sacou proveito da súa boa primeira parte, para levar a vitoria pola mínima ante un Elche que, ao verse en clara desvantaxe, arriscou de inicio na segunda metade co xogo de cinco ata acariñar o empate.
As visitantes dominaron ao comezo ante o equipo ilicitano que optou por esperar ao seu rival en cancha propia. Froito dese dominio chegaba o primeiro gol aos cinco minutos, obra de Yoli culminando de disparo raso unha boa triangulación das galegas. Aos catorce de xogo, Claudia aproveitaba un balón solto tras despexe de Sonia para anotar o segundo.
A superioridade visitante quedaba rubricada co terceiro tanto, co que finalizaba o primeiro tempo. Foi obra de Charo tras recibir un balón en paralelo despois dun roubo en tres cuartos de pista, finalizando cun potente remate.
Xa na segunda parte e tras ver que a dinámica do partido non variaba, o Elche cambiou de sistema pasando ao xogo de cinco. A aposta tardou en darlle os seus froitos, pero conseguiuno nos últimos cinco minutos de partido con dous goles case consecutivos, o primeiro de Miriam e o segundo de Susana, que daban esperanzas ás ilicitanas.
O Poio viuse obrigado a esforzarse en tarefas defensivas, unha vez que o conxunto local fíxose co balón, pero a falta de definición do Elche impediulles conseguir o empate, fronte a un Poio que sufriu pero defendeuse con acerto.
ELCHE (2): Sonia; Miriam, Andrea Lacrampe, Esther Laurí, Ángela -cinco inicial-, Maite, Idoia, Esther, Andrea e Susana.
POIO PESCAMAR (3): Irene; Yoli, Charo, Jessy, Ale -cinco inicial-, Laura, Jenny, Sara, Claudia, Nerea e Elena.
Árbitros: Miguel López Martínez Agulló e Jean LLuc Martínez Bautista (Valencia). Amoestaron a Andrea Lacrampe, Irene, Idoia e Esther Laurí no Elche e a Elena no Poio Pescamar.
Goles: (0-1) Minuto 5: Yoli. (0-2) Minuto 14: Claudia. (0-3) Minuto 19: Charo. (1-3) Minuto 36: Miriam. (2-3) Minuto 36: Susana.
Incidencias: Pavillón Esperanza Lag (Elche). Uns 200 espectadores.
Relacionadas:
-
Os penaltis apartan ao Poio Pescamar da final da Copa Xunta
Por Redacción |
-
Un gol nos últimos segundos tumba ao Poio Pescamar ante o Rubí (3-4)
Por Redacción |
-
O Poio Pescamar pecha a primeira volta co seu partido máis especial
Por Redacción |
-
O Poio Pescamar viaxa a Elxe coa obriga de sumar
Por Redacción |
-
Sofre o Poio Pescamar para conseguir tres puntos de ouro ante Rioja FSF (3-1)
Por Redacción |
-
Fin ao descanso para o Poio Pescamar
Por Redacción |