Gómez Noya volve ao "adestramento serio" concentrándose en Fuerteventura coa mirada posta en Río
Por Diego Espiño
Despois dunhas merecidas vacacións e dun primeiro contacto cos adestramentos, Javier Gómez Noya comeza esta semana a fase máis esixente da súa pretempada, centrado xa no único obxectivo do ano, os Xogos Olímpicos de Río.
Faio coa tradicional concentración en Fuerteventura, á que acode acompañado por unha grupeta de triatletas de nivel.
O pentacampión do Mundo viaxou este domingo a Canarias, onde permanecerá durante todo o mes de xaneiro ás ordes do seu adestrador Carlos David Prieto empezando o "adestramento serio", como el mesmo recoñeceu a través da súa conta de Twitter.
Es hora de volver al entrenamiento serio. Salimos para mi segunda casa @PlayitasResort en Fuerteventura para trabajar duro
— Javi Gomez Noya (@Jgomeznoya) enero 3, 2016
Os Xogos disputarase o 18 de agosto en Río de Janeiro, e toda a preparación irá encamiñada a chegar en perfectas condicións a ese día. Por iso a súa presenza nalgunhas citas do calendario mundial está en dúbida.
Polo momento, salvo contratempo, será segura a súa prensencia nas primeira citas das Series Mundiais en Abu Dhabi (4-5 de marzo), Gold Coast (9-10 abril) e Cidade do Cabo (23-24 de abril).
En canto á concentración en Fuerteventura, Gómez Noya estará acompañado de Vicente Hernández, Tamara Gómez, Diego Paz ou Anneke Jenkins, pero non de Pablo Dapena.
O pontevedrés, despois dun ano 2015 lastrado polas lesións, decidiu pasar polo quirófano durante o mes de xaneiro para solucionar os problemas que lle impedían correr con normalidade.
A intención de Dapena é operarse canto antes da hernia inguinal que lle diagnosticaron para poder volver á competición sen perderse boa parte da tempada.
#NoticiasMenosMalas Tendré que operarme si, pero no hará falta esperar hasta Febrero. Este año no habrá @PlayitasResort para mi...Lástima
— Pablo Dapena Gonzale (@pablitopiny) diciembre 31, 2015
Relacionadas:
-
As Series Mundiais de Tríatlon comezan sen Gómez Noya
Por Redacción |
-
Un ano máxico para Javier Gómez Noya
Por Redacción |
-
Gómez Noya, distinguido como mellor deportista do ano polo Comité Olímpico Español
Por Redacción |
-
As Bahamas réndense a un maxistral Gómez Noya, que pon o broche de ouro a unha sensacional tempada
Por Alejandro Espiño |