Lucía Vázquez adxudícase o Campionato Galego de Ciclocrós
Por Redacción
Non é a súa disciplina favorita, de feito utilízaa para preparar a tempada de Mountain Bike, na que o 2016 aspira a seguir progresando internacionalmente coa esperanza de chegar aos Xogos Olímpicos, pero a incursión de Lucía Vázquez no ciclocrós non puido ser máis positiva.
A ciclista de Vilaboa vén de proclamarse campioa galega da especialidade tras conseguir en Ferrol, na última proba do calendario autonómico, o seu terceiro triunfo parcial da competición.
Lucía non tivo rival na categoría elite e sub-23 e demostrou a súa superioridade desde as primeiras pedaladas.
Isabel Castro (Fornelos) logrou a segunda posición e na terceira concluíu Sandra Moral (Marín), que con este resultado chegará no primeiro posto da clasificación da Copa Galicia á última xornada.
En categoría masculina Mauro González (Salvaterra) foi o gañador en Ferrol certificando tamén o título autonómico.
Relacionadas:
-
Marín e Pontevedra, paradas da Copa Galicia de Ciclocrós que se estrea en Narón
Por Redacción |
-
Lucía Vázquez estrea equipo en Portugal coa súa primeira competición BTT do ano
Por Redacción |
-
Lucía Vázquez, a Portugal: ficha polo Maiatos/Reabnorte na busca dun salto de calidade
Por Redacción |
-
Lucía Vázquez pasa ao ciclocrós no inicio da pretempada
Por Redacción |
-
Lucía Vázquez, atropelada durante un adestramento: "¿Ni con este chaleco me veis conductores?"
Por Diego Espiño |