O piragüismo galego despide o ano competindo en Pontevedra
Por Redacción
As augas do Río Lérez en Pontevedra acollerán este sábado a última cita do ano para o piragüismo galego.
En pleno tramo urbano do río, a Federación Galega de Piragüismo organizou un control amigable de 12.000 metros no que participarán un total de 27 clubs.
Participarán na cita 340 padexeiros, que arrincará ás 11:00 horas e finalizará sobre as 13:30 horas, con quendas de kaiak e canoa desde categoría cadete.
Entre os que estarán na regata atópanse nomes destacados do piragüismo galego como Teresa Portela, Roi Rodríguez, Tono Campos e Diego Romero, entre outros.