Traballado triunfo en Canarias para un Arxil lanzado (61-66)
Por Redacción
Quinta vitoria consecutiva para un Arxil que se achega a só un triunfo da fase de ascenso á máxima categoría do baloncesto feminino nacional.
O conxunto pontevedrés regresa de Canarias tras lograr ante o Ciudad de los Adelantados tinerfeño un triunfo de prestixio (61-66), ante un rival confeccionado para pelexar por dar o salto de categoría.
As xogadoras adestradas por Mayte Méndez comezaron o choque con dúbidas en ataque, o que se traduciu nun mal primeiro cuarto no que as locais tomaron vantaxe (21-12).
No segundo parcial as verdes axustaron a súa defensa, que tan bo resultado está a darlle nas últimas xornadas, para empezar a recuperar terreo e chegar por diante ao descanso (29-30).
A partir de entón a igualdade foi a tónica dominante nun partido que non se decidiu ata o tramo final, no que o Arxil mostrouse máis acertado.
Yanique Gordon con 18 puntos e 12 rebotes e Ana Román con 13 puntos e 7 rebotes, ademais dos 11 puntos de María Lago, resultaron decisivas.
Consulta aquí as estatísticas do encontro.
Relacionadas:
-
O Arxil planifica un dobre amigable para a primeira fin de semana do ano
Por Diego Espiño |
-
O Ibaizabal acaba coa xeira positiva do Arxil nun vibrante partido (77-80)
Por Redacción |
-
Asalto arxilista á zona de play-off ante o colíder Ibaizabal
Por Redacción |
-
Esixente exame en Canarias para o bo momento do Arxil
Por Redacción |
-
A defensa empurra ao Arxil en Vigo cara ao seu cuarto triunfo consecutivo (38-54)
Por Redacción |