Dura proba para o Poio Pescamar coa visita do líder na volta á competición
Por Redacción
Complicado regreso á competición para o Poio Pescamar tras o parón motivado pola disputa do Mundial Feminino de fútbol sala.
As vermellas, tras un mes sen xogar un partido oficial, reciben este sábado na Seca (18:30 horas) ao Futsi Atlético Féminas, líder invicto da Primeira División con pleno de triunfos nas oito xornadas disputadas.
Jorge Basanta tivo tempo para preparar a esixente cita, que afrontan con motivación e ganas de deixar atrás as últimas tres derrotas en liga.
Desde o club son conscientes da dificultade do reto e por iso trasladaron un chamamento á súa afección para que enchendo o pavillón achegue un punto extra ás locais.
Entre as iniciativas postas en marcha, varias xogadoras e propio adestrador repartiron invitacións nos centros educativos do municipio.