Cara e cruz para os equipos do Tenis de Mesa Monte Porreiro
Por Redacción
Cuarta vitoria consecutiva para o equipo masculino do Tenis de Mesa Monte Porreiro na División de Honra, para situarse cuarto a só dous puntos da zona de ascenso á Superliga.
O cadro pontevedres impúxose de maneira clara ao CAI Santiago (6-0) no pavillón da Cidade Infantil de Príncipe Felipe.
Nicolás Galvano, Nacho Fernández e Santi Prieto non deron opción aos seus rivais para sentenciar pola vía rápida e confirmar o seu bo momento de xogo.
Peor lle están indo as cousas ao equipo feminino do club, que encaixou unha nova derrota no seu último enfrontamento na casa do ano e segue sen puntuar despois de sete xornadas, tamén en División de Honra.
O Setga Monte Porreiro perdeu (2-4) ante o Convicsa-CTT Santa Eularia.
Vitoria Cadilla igualou o punto inicial das visitantes no segundo partido do encontro, pero despois nin Noelia Santiago nin Elísabet Cadilla puideron gañar os seus partidos e o Santa Eulalia sentenciou.