Contundente triunfo do Arxil que esmaga (77-45) ao Badajoz
Por Redacción
Sen apenas problemas sumou a súa terceira vitoria consecutiva un CB Arxil que se mantén na zona media da clasificación. As pontevedresas asinaron unha espectacular primeira metade na que deixaron o choque finiquitado cun 51-24 no marcador. No terceiro período, a vantaxe local superou rapidamente os trinta tantos para goce da súa afección.
Foi un partido completo de todo o equipo, cun absoluto dominio baixo ambos os taboleiros, logrando nada menos que 50 rebotes, 21 máis que as estremeñas, 25 dos cales foron rebotes ofensivos, que se traduciron en 16 tiros máis a canastra.
Aínda por riba, as de Mayte Méndez situaron nada menos que a 7 xogadoras con dobres díxitos de valoración, destacando o +19 que asinou Ana María Román (15 puntos, 6 rebotes, 1 asistencia e 3 tapóns).
O 26-13 con que se pechou o primeiro parcial avisaba xa do que ía suceder. As pontevedreses seguiron firmes, logrando un contundente 25-11 no segundo cuarto, para irse ao descanso cun claro 51-24.
Ao regreso de vestiarios, as rotacións fixeron descender o nivel anotador das verdes, que aínda así seguiron ampliando diferenzas (14-8 no terceiro cuarto), para unicamente ceder por relaxación no último parcial por un mínimo 12-13, ata deixar o marcador final nese contundente e xusto 77-45 final.
Relacionadas:
-
Esixente exame en Canarias para o bo momento do Arxil
Por Redacción |
-
A defensa empurra ao Arxil en Vigo cara ao seu cuarto triunfo consecutivo (38-54)
Por Redacción |
-
Novo derbi para o Arxil no seu mellor momento da tempada
Por Redacción |
-
Yanique Gordon conduce á vitoria ao Arxil na pista do Adba Avilés (60-79)
Por Redacción |
-
Skye Rees debuta no Arxil nunha partido clave para distanciarse da zona baixa
Por Redacción |
-
Skye Rees substituirá a Rosinha Duarte no Arxil
Por Redacción |
-
Rosinha Duarte abandona a disciplina do Arxil
Por Redacción |