O Odisea Sport presume de campión de España de Kick Boxing
Por Redacción
Javier Amor Magalhaes, pontevedrés de 15 anos, pode presumir desde a pasada fin de semana de ser o actual campión de España xuvenil de Kick Boxing.
O deportista do Odisea Sport logrou en Madrid o seu segundo título nacional ao impoñerse na modalidade de semicontact de -55 quilos.
Tras superar dous combates na rolda clasificatoria, Javier pasou directamente á final, na que venceu ao representante castelán-leonés.
O título é un paso máis na progesión de Javier Amor, que xa se prepara para competir en poucos anos en categoría senior.
Ao longo da súa traxectoria, explican desde o Odisea, conseguiu xa varias medallas nacionais e ser campión de España en Formas.