Mocidade Granate organiza unha viaxe para apoiar o Pontevedra en Santander
Por Redacción
O Pontevedra Club de Fútbol non estará só en Santander, onde o vindeiro domingo (17:00 horas) xogará ante o Real Racing Club.
O colectivo de afeccionados Mocidade Granate propúxose organizar, sen axudas, unha viaxe en autocar para estar presentes nos Campos de Sport do Sardinero.
Os seguidores granates partirán o mesmo domingo ás 3:00 horas da madrugada para regresar unha vez terminado o encontro.
O prezo da viaxe fixouse en 26 euros por persoa, ao que hai que engadir o prezo da entrada, que será de 5 euros para infantís, 7 para xuvenís e 10 para adultos na grada escollida pola peña.
Os interesados en anotarse poden dirixirse á conta de Twitter do colectivo (@mocidadegranate) ou chamar ao teléfono 646 123 241.
Relacionadas:
-
Partidazo e vitoria de prestixio do Pontevedra (1-2) que só sofre ao final en Santander
Por Redacción |
-
Visita granate a El Sardinero 43 anos despois
Por Ramiro Espiño |
-
O partido do Pontevedra en Santander poderase seguir a través da internet por 3,95 euros
Por Diego Espiño |
-
O Pontevedra meréndase ao líder Coruxo (3-1) nunha gran segunda parte
Por Ramiro Espiño & Diego Torrado |