Positivo final de tempada para o GV Sports no seu primeiro ano de vida
Por Redacción
Levan só unha tempada en activo pero as sensacións non poden ser máis positivas para o GV Sports.
O club pontevedrés pechou a tempada do seu debut a pasada fin de semana na localidade coruñesa de Ponte Nafonso con tres podios, o de Lara Lois cunha prata en categoría absoluta feminina e senllas segundas prazas por equipos en categoría feminina e en equipos mixtos.
En só un ano o club, dirixido por Anxo Graña e Antonio Ventín na súa parcela deportiva, conta con medio centenar de atletas de entre 14 e 50 anos, que participan asiduamente en dúatlons e tríatlons.
Durante a súa primeira tempada o GV Sport gañou o campionato galego de dúatlon por equipos en categoría feminina e tamén conseguiu bos resultados a título individual, como a vitoria de Sonia Pariente no Hércules Extreme da Coruña.
Un primeiro paso para un proxecto que aspira a consolidarse no panorama deportivo local e autonómico nos próximo anos.