Javier Gómez Noya fará o saque de honra do Pontevedra-Coruxo
Por Redacción
É un dos veciños máis ilustres da cidade e o Pontevedra Club de Fútbol quere renderlle unha merecida homenaxe.
O club granate únese aos recoñecementos a Javier Gómez Noya, flamante pentacampión do mundo de tríatlon, ao que invitou a realizar o saque de honra no partido de liga do próximo domingo (17:00 horas) no Estadio Municipal de Pasarón ante o Coruxo.
Gómez Noya recibirá así o agarimo dos afeccionados pontevedreses e ademais será agasallado cunha camiseta oficial do Pontevedra co seu nome, segundo informou a entidade nun breve comunicado.
Curiosamente o Coruxo rendeu honras a pasada fin de semana ao triatleta no campo do Vao antes do encontro que lles enfrontaba ao Sporting B.
Ademais as homenaxes a Gómez Noya terán continuación a próxima semana cunha recepción na cidade na que creceu, Ferrol.
Relacionadas:
-
O Pontevedra meréndase ao líder Coruxo (3-1) nunha gran segunda parte
Por Ramiro Espiño & Diego Torrado |
-
Pontevedra-Coruxo, unha cuestión de puntería
Por Diego Espiño |
-
O Pontevedra lánzase a polo apoio dos máis pequenos
Por Cristina Saiz |
-
O peor arranque ligueiro dos últimos 19 anos
Por Diego Espiño |
-
Impulsan unha petición popular para que Javi Gómez Noya reciba o Premio Princesa de Asturias
Por Diego Espiño |
-
Javi Gómez Noya recibe, unha vez máis, o agarimo dos pontevedreses
Por Diego Espiño |
-
Gómez Noya, recibido con honras en Peinador
Por Diego Espiño & Mónica Patxot |