Encher A Seca "es fundamental" para o Poio Pescamar
Por Diego Espiño
Coa moral alta, tras conseguir o pasado sábado os seus primeiros puntos da tempada, afronta o Poio Fútbol Sala a terceira xornada de liga, na que recibirá na Seca ao Majadahonda FSF (sábado, 18:30 horas).
Logo de dúas xornadas "estamos trabajando en los conceptos que queremos transmitir en la pista, con intensidad, actitud y buen juego", recoñece o técnico Jorge Basanta, aspectos que esconde un desexo maior, "que A Seca disfrute".
Neste aspecto o club quere ver un pavillón cheo de afeccionados e por iso, co apoio do seu patrocinador, regalaranse entradas para o partido do sábado nos centros escolares do municipio.
"Para nosotros llenar cada 15 días A Seca es fundamental", recoñeceu Basanta na visita realizada este xoves ás instalacións de Conservas Pescamar.
O técnico dispoñerá para a cita de todo o plantel salvo Elena, lesionada en pretempada e que espera volver ás pistas nas próximas semanas.