Empates de Leis e Bueu na segunda xornada ligueira
Por Redacción
Boas sensacións as mostradas polo Leis Pontevedra na súa estrea como local esta tempada.
Os de Manu Cossío arrancaron un empate ante un dos equipos chamados a pelexar polos postos altos, o Noia FS, e preto estivo do triunfo.
Con todo a primeira parte estivo dominada polos coruñeses, que se adiantaron por medio de Álex e contaron con opcións para ampliar a renda. Non o lograron e o Leis aos poucos foi mellorando.
O panorama cambiou na segunda metade, cos pontevedreses presionando en cancha rival e gozando das mellores ocasións. Así chegou a igualada, obra de Barcala, e puido chegar o segundo, pero ao final o marcador non se moveu do 1-1.
Tamén empatou o seu partido o Bueu, nesta ocasión a domicilio na cancha do Ventorrillo (2-2), o que supón o seu primeiro punto na Segunda B.
Os dous equipos fixeron méritos suficientes para levarse o triunfo nun partido de ida e volta no que os de Javi Santos sobrepuxéronse ás baixas e igualaron o marcador ata en dúas ocasións.
Os goles dos do Morrazo anotounos Rodri.
A próxima xornada o ADFS Bueu recibirá ao Cistierna e o Leis xogará na cancha de Gardo FS.