O Club de Mar de Aldán, gañador do Trofeo Rías Baixas de Piragüismo
Por Redacción
Estrea satisfactoria do Trofeo Rías Baixas de piragüismo, proba celebrada esta finde semana cun percorrido pola ría de Arousa entre Cambados e O Grove.
O Club de Mar Ría de Aldán alzouse co triunfo por equipos, sendo segundo o Kayak Tudense e terceiro o Club Piragüismo Vilaboa.
Na modalidade de K-4 os gañadores foron Diego Piña, Roi Rodríguez, Gabriel Campo e Rubén Millán, do Kayak Tudense, por diante do Club Piragüismo Vilaboa e o Club Naval de Pontevedra, mentres en categoría feminina dominou o Club de Mar Ría de Aldán coa primeira e a terceira praza, sendo segunda a tripulación do Kayak Tudense.
En canoa a vitoria foi para unha embarcación mixta con Tono Campos, Cristian Ribadomar, Miguel Castro do Breogán do Grove e Jose Manuel Sánchez do Club Náutico Betanzos. Segundo foi As Torres e terceiro o Kayak Tudense.