O Froiz acode a Valencia mirando de esguello a Volta a Galicia
Por Redacción
Dende este xoves 3 de setembro e ata o domingo 6 o Grupo Deportivo Supermercados Froiz céntrase na súa participación na Vuelta a Valencia.
O equipo pontevedrés toma esta rolda por etapas, con catro xornadas de competición, como preparación da inminente Volta a Galicia, principal obxectivo do ano.
En Valencia os ciclistas afrontarán catro etapas de perfil na súa maioría plano conformadas en forma de circuíto.
Á cita a escuadra dirixida por Evaristo Portela convocou a: Pedro Merino, Jose Luis Mariño, Miguel Gómez, Rubén García, Antonio Portela, Sergio Míguez e Roberto Mediero.