A obras de reforma das pistas de atletismo do CGTD, a bo ritmo
Por Redacción
Iniciáronse cun importante atraso pero agora avanzan a bo ritmo. As obras de reforma das pistas de atletsimo do Centro Galego de Tecnificación Deportiva de Pontevedra (CGTD) continúan a súa marcha coa intención de estar concluídas durante o mes de outubro.
Esta data supón non obstante un importante quebranto para atletas e clubs que alí adestran e que verán dificultada a súa volta aos adestramentos tras as vacacións de verán.
Esa era a idea inicial, realizar as obras aproveitando o período estival, pero trámites administrativos obrigaron a atrasar o inicio dos traballos, que consisten na retirada do tartán, o pulido e nivelado da superficie e a colocación dun novo tapete.
Nesta reforma, que supón unha renovación integral das pistas, a Xunta de Galicia inviste preto de 435.000 euros, ao que se suman os 70.000 euros destinados á primeira fase do proxecto destinados aos aneis de lanzamentos e saltos.
Ademais dos atletas subvencionados no centro e usuarios, un dos principais afectados polo atraso nas obras é a Sociedad Gimnástica, que arrancará a pretempada o próximo 14 de setembro nun ano no que espera seguir crecendo e superar a cifra de 401 atletas federados cos que contou o último curso.
Relacionadas:
-
Preocupación polo mal estado da recentemente reformada pista de atletismo do CGTD
Por Diego Espiño |
-
As obras na pista de atletismo do CGTD concluirán "a principios de octubre"
Por Diego Espiño |
-
A Sociedad Gimnástica comeza a preparar a tempada de competición
Por Redacción |
-
A primeira fase de renovación na pista de atletismo do CGTD estará concluída en xaneiro
Por Diego Espiño |
-
A Xunta compromete medio millón de euros para unha "reforma integral" das pistas de atletismo do CGTD
Por Diego Espiño & Mónica Patxot |