Primeiros pasos para o novo proxecto do Arxil
Por Redacción
Despediuse agosto e con el as vacacións para un Club Baloncesto Arxil que este martes 1 de setembro iniciou a súa pretempada.
O primeiro equipo verde celebrou o seu primeiro adestramento no Centro Galego de Tecnificación Deportiva e fíxoo co plantel case ao completo.
Só faltaba a xamaicana Yanique Gordon, que esperan se incorpore ao longo da semana. Polo demais a novidade estivo na outra fichaxe do club, a portuguesa Rosie Duarte, mentres o resto de xogadoras continuan con respecto ao pasado ano.
Na primeira sesión, ás órdendes de Mayte Méndez, estaban Ana Martín, Carla Fernández, Cristina Díaz-Pache, María Lago, María Centeno, Aldara Vázquez, Fany López, Ana Román, Jara Tuda e Sandra Entenza, que non poderá realizar a pretempada con normalidade por asuntos persoais.
Esta situación imprevista, a de Sandra, fai que o plantel aínda non se de por pechado ao estudarse a viabilidade dunha nova incorporación.
O que tampouco estivo no primeiro día de adestramento foi Cuco Rodríguez, e é que o ata agora preparador físico do Arxil aceptou unha oferta para pasar a formar parte do corpo técnico do Club Baloncesto Sevilla de ACB.
Relacionadas:
-
O Arxil, satisfeito co desenvolvemento da pretempada
Por Redacción |
-
O Arxil, pendente da chegada de Yanique Gordon
Por Redacción |
-
A Copa Galicia centrará a pretempada do Arxil
Por Redacción |
-
O Arxil ponse o obxectivo de chegar aos 400 socios
Por Redacción |
-
A xamaicana Yanique Gordon é a pívot elixida polo Arxil
Por Redacción |