Equipo galego e de canteira no novo proxecto 'peixe'
Por Redacción
Creada e actualizada
Creada e actualizada
A liña de traballo que está a levar o Peixe Galego na confección do plantel empeza a apuntar a tendencia do equipo que terá á súa disposición Javi Llorente, coa necesidade de posuír ADN 'peixe'.
O club de Marín confirmou este luns a renovación dun home importante, Gabriel Rogers, e a volta á casa de Alexandre Fernández, base vigués que xogou dous anos no club pero que marchara para cursar os estudos de fisioterapia, que agora concluíu.
O base, de 23 anos, xogou dous play-off de ascenso en Liga EBA cos de Marín entre 2011 e 2013.
Pola súa banda Rogers foi peza clave a pasada campaña alcanzando, dende posicións exteriores, 11 puntos e 2,3 asistencias por partido durante a liga regular, rendemento que subiu no play-off.
Como el, todos os xogadores fichados ou renovados ata o momento comparten algo, son galegos ou contan con pasado na canteira do Peixe Galego, como é o caso do centroafricano Edmond Koyanouba.
Ademais de Edmond, Rogers e Alexandre, Javi Llorente conta xa no seu equipo con Manu Ferreiro, Norman Rey, Emilio Oubiña e Gregorio Adón.
Relacionadas:
-
O Peixe Galego pesca na NCAA para pechar o seu xogo exterior
Por Redacción |
-
Álex Navajas, experiencia de LEB Ouro para reforzar o xogo interior do Peixe Galego
Por Redacción |
-
Gregorio Adón, terceira renovación no Peixe Galego
Por Redacción |
-
Norman Rey seguirá no Peixe Galego
Por Redacción |
-
Edmond Koyanouba volve ao Peixe Galego tras o seu paso por LEB Ouro
Por Redacción |
-
Primeiros movementos no Peixe Galego, que renova a Manu Ferreiro e presenta a campaña de socios
Por Redacción |