Superar o medio milleiro de atletas, obxectivo do XXXVI Maratón de San Antón
Por Redacción
O Club Atletismo Cuntis, coa colaboración do Balneario e o Concello, ten xa todo preparado para a que será a XXXVI edición do seu popular Maratón de San Antón.
A tradicional proba atlética espera reunir na vila termal a máis de medio millar de deportistas o próximo domingo 23 de agosto.
A proba sénior, con 10.000 metros de percorrido, disputarase ás 11:00 horas con saída e chegada no ámbito do Balneario de Cuntis pasando por parte da zona urbana e o paseo fluvial, mentres pola tarde, a partir das 18:00 horas, será a quenda das carreiras dos máis pequenos.
As inscricións manteranse abertas ata o xoves 20 de agosto a través da web www.maratonsananton.org.
Dende a organización aseguran que, despois de 36 anos, a cita está xa marcada no calendario atlético, polo que esperan deportistas profesionais e afeccionados de toda Galicia que "veñen a pasalo ben", explicou Alfonso Iglesias.