Miguel Loureiro convence a Luisito e negocia o seu futuro co Pontevedra
Por Redacción
Incorporouse a proba o primeiro día de pretempada, o pasado 22 de xullo, e dende entón traballou para intentar convencer a Luisito nos adestramentos e nos minutos que tivo en varios amigables.
O rendemento de Miguel Loureiro foi suficiente para que o técnico do Pontevedra recomendase ao club a súa incorporación.
O lateral, que a pasada campaña militou no xuvenil de División de Honra do Celta de Vigo, debe agora negociar coa dirección deportiva as condicións da súa fichaxe.
Coas fichas de futbolistas sénior ocupadas, Loureiro podería darse de alta como sub-23.
A idea é que sexa para todos os efectos xogador do primeiro equipo, coa que adestrará a diario, pero que no caso de non entrar na convocatoria poida reforzar en momentos puntuais ao filial.
A opción de quedarse en Pontevedra e ter opcións de xogar en Segunda B non desagrada ao xogador, que cursa os estudos de Enxeñaría Industrial na Universidade de Vigo.
Relacionadas:
-
O Pontevedra estrearase en liga o sábado ás 20:00 horas ante un Guijuelo que chega con dúbidas
Por Diego Espiño | Creada e actualizada
-
A estrea ligueira, co árbitro do Mensajero
Por Diego Espiño |
-
Goleada granate en Ourense (0-4)
Por Redacción |
-
O Pontevedra adxudícase o Luis Otero ao impoñerse ao Lugo nos penaltis (1-1)
Por Ramiro Espiño & Diego Torrado |