A estrea ligueira, co árbitro do Mensajero
Por Diego Espiño
Pouca sensibilidade demostrou a Real Federación Española de fútbol coas designacións arbitrais da primeira xornada de liga na Segunda División B.
O Comité Técnico de Árbitros decidiu que o asturiano César Ramos Domínguez sexa o encargado de dirixir o partido entre o Pontevedra e o Guijuelo o 23 de agosto no Estadio Municipal de Pasarón.
En si mesmo isto non debería ser noticia, pero trátase do colexiado do polémico partido entre Pontevedra e Mensajero no que os canarios eliminaron o equipo granate nos penaltis tras un choque que foi cualificado polo adestrador do Pontevedra, Luisito, como "a maior vergoña que vivín nun campo de fútbol".
E é que os granates se sentiron claramente prexudicados polas continuas perdas de tempo dos xogadores visitantes que fixeron que "de 120 minutos só se puidesen xogar 30", explicou Luisito aquel fatídico 31 de maio na sala de prensa, no que chegou a declarar que "se digo o que penso me meten non cárcere".
Ademais xogadores e corpo técnico queixáronse no seu día do escaso desconto malia as interrupcións do xogo, incluída a lesión do colexiado, e dun gol anulado que tivese suposto o ascenso.
Agora, dous meses e medio despois daquel día, non só o trenciña ascendeu de categoría, senón que se estreará en Segunda B no mesmo escenario, o Estadio Municipal de Pasarón, tras unha decisión difícil de entender polo recente da polémica e as situacións de tensión que se poden xerar innecesariamente no estadio pontevedrés.
Relacionadas:
-
Pasarón levanta o pano na liga do retorno recibindo un incómodo Guijuelo
Por Ramiro Espiño |
-
Borjas e Anxo, baixas seguras para o debut ligueiro
Por Diego Espiño | Creada e actualizada
-
Ofrenda á Virxe Peregrina para dar comezo á tempada oficial
Por Redacción |
-
O Pontevedra estrearase en liga o sábado ás 20:00 horas ante un Guijuelo que chega con dúbidas
Por Diego Espiño | Creada e actualizada
-
Miguel Loureiro convence a Luisito e negocia o seu futuro co Pontevedra
Por Redacción |
-
Goleada granate en Ourense (0-4)
Por Redacción |
-
O Pontevedra adxudícase o Luis Otero ao impoñerse ao Lugo nos penaltis (1-1)
Por Ramiro Espiño & Diego Torrado |
-
Os penaltis dan o ascenso a un avaro Mensajero e mandan ao Pontevedra á repesca (1-0)
Por Ramiro Espiño & Diego Torrado |