Bea Gómez, fóra da final dos 800 libre na súa estrea no Mundial de Kazan
Por Diego Espiño
Lonxe da final quedou Bea Gómez Cortés no seu debut no Campionato do Mundo de Natación, que se está a disputar na localidade rusa de Kazan.
A nadadora pontevedresa estreouse na competición nos 800 libre, sendo novena da súa serie cun tempo de 8:41.72, case idéntico ao que lle valeu o bronce no recente Campionato de España.
Bea, que segue progresando tras a súa operación, non puido achegarse ás súas mellores marcas na distancia nunha serie eliminatoria na que o mellor tempo foi o da australiana Ashwood (8:22.12). No total de series, a deportista do Galaico foi vixésimo segunda.
Sen opción de final nos 800 libre, a segunda oportunidade para Gómez Cortés chegará o próximo domingo, último día do campionato, nos 400 estilos.
As eliminatorias nesta proba desenvolveranse a partir das 8:30 horas da mañá, mentres a final está fixada para as 17:49 horas.
Relacionadas:
-
Bea Gómez, eliminada nos 400 estilos, despídese do Mundial de Kazan
Por Redacción |
-
Bea Gómez chega a Kazan para afrontar o reto do Mundial
Por Diego Espiño |
-
Bea Gómez despídese do Nacional de Barcelona cun novo ouro nos 200 metros estilos
Por Redacción |
-
Bea Gómez Cortés, primeiro ouro en Barcelona ao proclamarse campioa de España de 400 estilos
Por Redacción |
-
Primeira medalla para Bea Gómez nos Nacionais de natación: bronce nos 800 libres
Por Redacción |