Cisne e Balonmán Pontevedra negocian un acordo de filialidade
Por Diego Espiño
O Balonmán Pontevedra, equipo que milita na Primeira Nacional, pode converterse, polo menos por un ano, en filial do Cisne.
É o acordo negociado entre ambas as dúas directivas e que debe ser ratificado polos socios do Cisne na Asemblea Xeral Ordinaria prevista para o próximo mércores 5 de agosto.
Trátase dun acordo de filialidade dun ano de duración que supoñería que varios xogadores saídos da canteira do Cisne e que co ascenso a División de Honra Prata non teñen cabida no primeiro equipo poidan "jugar en una buena categoría y además aquí en Pontevedra", recoñece Santiago Picallo, presidente do club cineísta.
O conxunto adestrado por Edín Covelo, cun equipo curto que buscará a permanencia na segunda categoría nacional, podería ter así "a dos o tres chavales vigilados", explica Picallo, coa idea de "que nos puedan echar una mano" a metade de tempada se se producen baixas inesperadas en forma de lesión.
Asímismo el Balonmán Pontevedra reforzará o seu bloque con xogadores de proxección coa intención de dar un paso adiante no Primeiro Nacional.
Relacionadas:
-
"Seguimos crecendo grazas a ti", mensaxe do Cisne aos seus seguidores coa nova campaña de socios
Por Diego Espiño |
-
O Cisne ficha a Guillermo Rial e dá por pechado o plantel
Por Redacción |
-
Alcobendas na casa, primeiro compromiso ligueiro do Cisne en División de Honra Prata
Por Redacción |
-
Bota a andar o proxecto de prata do Club Cisne Balonmano
Por Redacción |