A Challenge Vuelta a Sevilla, próximo obxectivo do Supermercados Froiz
Por Redacción
Vencer un pelotón de nivel e á intensa calor. Así acode o Grupo Deportivo Supermercados Froiz á X Challenge Vuelta a Sevilla, que se disputa esta fin de semana na provincia andaluza.
O equipo pontevedrés estréase nesta proba, composta por dous días de competición.
O primeiro deles, o sábado 25 de xullo, será a XIII Clásica de Santa Ana, con saída e meta en Dos Hermanas e un percorrido de 131,2 quilómetros, mentres o domingo 26 será a quenda da XVI Clásica Velá de Triana, que partirá e finalizará en Sevilla tras 109,2 quilómetros de carreira.
Á cita o Froiz acode cun equipo de garantías no que figuran Miguel Gómez, Pedro Merino, Sergio Míguez, Samuel Blanco, Alejandro Lomba e Javier Pérez.
A X Challenge Vuelta Ciclista á Provincia de Sevilla está organizada polo CDC Antonio Gómez del Moral.