Loreto Núñez regresa cunha medalla de prata da súa experiencia coa selección nacional de voleibol
Por Redacción
Era a súa primeira experiencia internacional e regresa a casa cunha medalla de prata ao colo. Así volveu a Pontevedra Loreto Núñez tras participar coa Selección Española sub-16 de voleibol no Torneo Internacional Wezva.
A xogadora cadete do Club Voleibol Pontevedra formou parte do combinado nacional na cita celebrada en Valladolid.
A Selección Española superou na primeira fase da competición a Portugal, Holanda e Suíza cun pleno de vitorias, clasificándose para a final ante a gran favorita, Italia.
No partido definitivo o equipoo italiano mostrouse superior levándose o triunfo por tres sets a cero.
Malia a derrota no úñtimo partido, a experiencia resultou do máis valiosa para a xogadora pontevedresa, que espera seguir entrando no futuro nos plans dos técnicos nacionais.