Manuel Vidal Araújo, novo delegado do comité de árbitros de Pontevedra
Por Redacción
Relevo á fronte do comité de árbitros de Pontevedra. O comité técnico galego designou este martes a Manuel Vidal Araújo como novo delegado.
Vidal Araújo substitúe no cargo a Pedro Fernández Louro.
O novo delegado en Pontevedra comezou a súa carreira na arbitraxe na tempada 94-95 como auxiliar e chegou ata a Segunda División B, categoría na que arbitrou entre 2009 e 2013. Retirouse un ano despois en Terceira División e dende entón pasou a formar parte do comité de informadores desta categoría.
Será presentado oficialmente este xoves nun acto que se vai celebrar ás oito e media da tarde na Delegación de Árbitros de Pontevedra.