O Arxil inscríbese en Liga Feminina 2 e renuncia á posibilidade de ascenso
Por Redacción
Pouco lle durou a idea ao Club Baloncesto Arxil de intentar competir o próximo curso na máxima categoría.
A directiva verde empezara a traballar na posibilidade de ocupar unha praza en Liga Feminina se houbese unha vacante na categoría, dados os problemas económicos de varios equipos, pero finalmente descartou esa posibilidade.
O Arxil presentou a documentación pertinente na Federación Española de Baloncesto para inscribirse únicamente na Liga Feminina 2.
Pese a que o club pontevedrés atopou o apoio de Concello, Deputación e Secretaria Xeral para o Deporte e tiña encamiñado o aval requirido pola Federación, toma a decisión tras escoitar a opinión das xogadoras de casa e do corpo técnico.
Segundo explica o coordinador do club, Lino Vázquez, o problema que lles transmitiron é a falta de dispoñibilidade para "poder xogar os partidos polo medio da semana, xa que non son xogadoras profesionais e cada unha ten o seu traballo ou estudos".
Ademais tamén pesou a falta do patrocinador privado que o club leva buscando nas últimas tempadas.
Relacionadas:
-
Arxil e Cortegada empezarán con derbi a Liga Feminina 2
Por Redacción |
-
O Arxil renuncia definitivamente a Maimouna Diarrá
Por Redacción |
-
O Arxil dá por perdida a Diarrá e traballa xa no equipo para a próxima tempada
Por Redacción |
-
María González defenderá as cores do Arxil unha tempada máis
Por Redacción |
-
O Arxil, ante a posibilidade de competir en Liga Feminina
Por Redacción |
-
María Lago, segunda renovación no Arxil
Por Redacción |
-
Ana Román renova co Arxil antes de concentrarse coa selección de Venezuela
Por Redacción |