Pontemuiños, centro da natación galega durante toda a fin de semana
Por Mónica Patxot
A piscina olímpica do Complexo Deportivo Rías do Sur, en Pontemuiños, centra dende este venres a atención da natación galega.
Durante tres días, ata o próximo domingo, as instalacións pontevedresas acollen o Campionato Galego Abosoluto Open e Júnior de Verán, coa presenza de 300 deportistas de 26 clubs de toda a xeografía autonómica.
O club que máis nadadores presenta en competición é unha vez máis o Club Natación Galaico, organizador do evento en colaboración da Federación Galega de Natación. Defenden ao club pontevedrés un total de 34 deportistas.
O Campionato Galego, cuxos resultados poden consultarse neste enlace, arrancou xa o venres cunha xornada de tarde e se prolongará durante as xornadas de sábado e domingo en dobre sesión de mañá e tarde (10:00 e 17:00 horas respectivamente).
A entrada para o público é de balde.