O Cisne senta as bases do equipo que competirá en División de Honra Prata
Por Redacción
Tras unhas semanas de análise e de facer números, o Cisne avanza xa con paso firme na planificación da próxima tempada, na que competirá na División de Honra Prata de balonmán.
O primeiro foi atar a continuidade de Edín Covelo no banco, algo que se logrou tras un período inicial de dúbidas.
Era a peza básica, a do máximo responsable deportivo do ascenso, pero ademais a entidade presidida por Santi Picallo asegurouse a renovación de Toño Lafuente na portaría cineísta, que achegará experiencia na nova categoría.
Tras eses movementos o club traballa na renovación de boa parte do equipo que logrou o ascenso, a excepción de Rafa Dasilva, Andrés Sánchez e Carlos Rodríguez, que por diversos motivos confirmaron a final de tempada a súa marcha.
A retirada de Dasilva obrigaba o equipo pontevedrés a buscar un reforzo de garantías para a primeira liña, e encontrouno moi preto, en Chapela.
Dende alí retorna ao Cisne o lateral esquerdo Fabián González, que tras un ano en Redondela e tres en Chapela ás ordes de Fran Teixeira, un deles en División de Honra Prata, regresa á que foi a súa casa durante 11 tempadas.
Relacionadas:
-
Ramón Gil, novo reforzo do Cisne para encarar a División de Honra Prata
Por Redacción |
-
Iago Cuadrado, segundo reforzo para o Cisne
Por Redacción |
-
Honras oficiais para un Cisne que busca diñeiro para saír en Prata
Por Diego Espiño |
-
Rafa Dasilva despedirase do balonmán en activo participando no Partido das Estrelas
Por Redacción |
-
A Federación Española de Balonmán concede ao Cisne a Distinción ao Mérito Deportivo
Por Redacción |
-
Última homenaxe á histórica campaña do Cisne
Por Redacción |
-
Un soño feito realidade: o Cisne fai pleno, imponse ao BM Elda (27-25) e consegue o ascenso
Por Ramiro Espiño & Diego Torrado |