Víctor Rodríguez, do Teucro á selección española de balonmán praia
Por Redacción
A selección española de balonmán praia estase a preparar xa para o campionato de Europa que se disputará, a partir do próximo 30 de xuño, na localidade catalá de Lloret de Mar. E entre os xogadores que estarán nesa importante cita deportiva podería estar un integrante da SD Teucro, en concreto o vigués Víctor Rodríguez.
Víctor Rodríguez é un dos 14 preseleccionados que participan estes días nunha concentración en Azuqueca de Henares (Guadalajara).
É a primeira vez que Víctor Rodríguez, que xoga tamén nun equipo de balonmán praia, é chamado a unha concentración da selección española desta disciplina.
Tras este primeiro bloque de adestramentos, que se estenderá ata o 12 de xuño, o seleccionador nacional, Jaime Osborne, dará a coñecer os nomes dos dez xogadores que finalmente asistirán ao Europeo.
Na primeira fase deste campionato de Europa, España enfrontarase ás seleccións de Croacia, Ucraína, Polonia, Suecia e Alemaña.