Chuvia de medallas para os atletas da Gimnástica nos campionatos autonómicos Promesa, Júnior e Xuvenil
Por Redacción
A Coruña foi escenario a pasada fin de semana dos campionatos galegos de atletismo en tres categorías: Promesa, Júnior e Xuvenil.
Na cita a Sociedad Gimnástica tivo un papel destacado igualando o seu resultado de 2014, colgándose os seus atletas un total de 21 medallas.
Desas preseas sete foron de ouro, seis de prata e oito de bronce, nunha xornada marcada polo fallo na cronometraxe electrónica que invalidou as marcas obtidas, arruinando as esperanzas dos atletas de lograr as marcas mínimas para o Campionato de España nas probas de velocidade.
Ángel Vargas e Inés Martínez foron os atletas pontevedreses máis destacados con dous oros cada un, Ángel no dobre hectómetro e nos 400 metros en categoría xuvenil, mentres Inés gañou en salto de de altura e pértega promesa logrando ademais o seu mellores marcas saltando 1,59 e 3,10 metros respectivamente.
As outras medallas de ouro foron para Alfonso Pérez nos 400 metros júnior, Emma Ramos no salto con pértega xuvenil e Sergio Paredes no lanzamento de martelo júnior, colocándose ademais terceiro do ranking nacional grazas a un lanzamento de 60,10 metros.
Pola súa banda lograron a prata Jorge Puig, Andrea Pais e Emma Casas en categoría xuvenil e Rocío Rodríguez e Paula Martín por partida dobre en promesa.
Ademais foi bronce a propia Paula Martín, ao igual que Xavier Rodríguez, Pedro Bastos e Claudia Puig en dúas ocasións en idade xuvenil e Darío Costas, Eva Salgado e Verónica Echeverría en categoría júnior.