Lourdes Domínguez roza a sorpresa ante Petkovic en Roland Garros pero cae en tres sets
Por Redacción
Ás portas de realizar unha auténtica machada quedou Lourdes Domínguez na segunda rolda de Roland Garros ante a número 10 mundial, a alemá Andrea Petkovic.
A pontevedresa despregou un gran xogo na pista 6 do aberto parisiense e só cedeu tras tres emocionantes sets (6-4, 4-6 e 4-6) en 2 horas e 20 minutos de xogo.
Lourdes impúxose na primeira manga, na que mandou dende o inicio collendo un break de vantaxe no terceiro xogo. Petkovic igualou pero o seu número de erros non forzados pesaron demasiado certificando o 6-4.
O segundo set comezou con rotura da pontevedresa, vantaxe que mantivo ata o quinto xogo, no que a alemá se repuxo e comezou a mellorar na pista.
O resultado do segundo set non descompuxo a Lourdes Domínguez, que contou de novo con vantaxe dun break ao inicio do último parcial e dúas opcións para facer un segundo cando o marcador era de 1-3. Non o conseguiu e Petkovic tirou de repertorio para culminar a remontada.
Malia a eliminación o bo papel da pontevedresa en Roland Garros, onde superou tres roldas da fase previa e unha do cadro principal, fará que se se cumpren as previsións volva entrar no Top-100 do ranking WTA.
Relacionadas:
-
Lourdes Domínguez despídese do US Open en primeira rolda ao caer ante Nicole Gibbs en tres sets
Por Diego Espiño |
-
Lourdes Domínguez, eliminada na fase previa de Wimbledon
Por Redacción |
-
Triunfo de Lourdes Domínguez no torneo ITF de Montpellier
Por Redacción |
-
Lourdes Domínguez salva dúas pelotas de partido para acceder á segunda rolda de Roland Garros
Por Redacción |
-
Lourdes Domínguez accede ao cadro final de Roland Garros tras vencer a Shaha Peer
Por Redacción |