Ascenso á máxima categoría do equipo masculino de tenis do Casino Mercantil
Por Redacción
O equipo masculino de tenis do Mercantil Pontevedra, capitaneado polo director da escola de tenis David Vidal, logrou o ascenso directo a División de Honra Ouro tras vencer con grande autoridade o Náutico de Vigo por un contundente 6 a 1.
O primeiro punto local logrouno Rubén Caldas fronte a Daniel Sotelino por 6-3 e 6-4 e o seguinte conseguiuno Pablo Malvido a Antón de la Puente por 6-4 e 6-3. No terceiro partido, Roberto Riveiro non puido vencer ao mozo Simón Arca nun axustado encontro que se decantou polo segundo por 6-3, 3-6 e 6-1, poñendo o 2 1 no marcador.
Pero a remontada quedouse aí e tras as vitorias de David Vidal sobre Iago Salvador por 6-4 e 6-2 e de Miguel Lapido sobre Tomás Curras por 6-4 e 6-3, os pontevedreses lograron o ascenso automático. Logo, e xa co ascenso asegurado, os dobres foron para Vidal-Lapido e Caldas-Malvido.
Agora o equipo disputará a próxima fin de semana a final, decidíndose así o equipo campión de división prata.