Preto de 300 promesas da natación déronse cita en Ponte Muiños
Por Redacción
O Complexo Deportivo Rías do Sur de Pontemuiños acolleu a pasada fin de semana a décima edición do Trofeo Promesas do Lérez organizado polo Club Natación Galaico.
Un total de 12 clubs de Galicia e Portugal déronse cita na competición, na que 281 nadadores gozaron a experiencia de nadar nunha piscina de 50 metros e con cronometraxe electrónica.
No Trofeo Promesas do Lérez participaron nadadores en categoría benxamín e alevín.
Tras unha intensa xornada de competición o trofeo levouno o Club Natación Liceo con 321 puntos, seguido polo Club Natación Galaico con 287 puntos e o Club Natación Ponteareas con 210.
Ao longo da xornada moitos dos nadadores conseguiron as marcas mínimas necesarias para participar nos campionatos Galego e de España das súas respectivas categorías.