O Waterpolo Galaico forza o desempate na final galega tras vencer na Coruña (12-13)
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Con uñas e dentes defendeuse unha vez máis o Waterpolo Galaico para, contra prognóstico, forzar o terceiro e último partido da final polo título galego.
Os de Javi de Sáa tiraron de orgullo para, tras a clara derrota do primeiro partido en Pontevedra, remontar un choque que se lle puxera custa arriba nun primeiro cuarto que finalizou 3-1 a favor do Club Natación Coruña.
No segundo parcial o Galaico mellorou ofensivamente para poñerse a un gol (7-6) a pesar de que os erros defensivos dificultaban a tarefa.
No terceiro cuarto igualouse todo para decidirse no último parcial, no que a falta de tres minutos todo parecía sentenciado para os coruñeses (12-9). Foi entón cando o equipo pontevedrés sacou a súa mellor versión para asinar unha remontada in extremis que lles deixa con opcións de revalidar o título de liga.
O terceiro e definitivo partido da final disputarase o próximo sábado 30 de maio, de novo na Coruña.
CN CORUÑA (12): González, Escuredo, García, Carrodeaguas, Gato (3), Alba, Abuin (4), García (2), Orozco, Martins (2), Iglesias, Blanco (1), Sánchez.
CW GALAICO PONTEVEDRA (13): Raúl, Rober (1), Aarón (3), Rubén, Artai, Miguel, Ángel (1), Andrés (4), Juanjo (1), Iago, Bran (3), Pablo, Pablito.
Parciais: 3-1, 4-5, 2-2, 3-5.
Relacionadas:
-
O Waterpolo Galaico cede o título galego tras caer no terceiro partido da final ante o CN Coruña (14-6)
Por Redacción |
-
Derrota do Waterpolo Galaico no primeiro partido da final galega ante o CN Coruña (9-17)
Por Redacción |
-
A final da Liga Galega espera ao Waterpolo Galaico tras vencer en Santiago (8-12)
Por Redacción |
-
O Waterpolo Galaico gaña en Santiago e forza o terceiro partido na semifinal polo título
Por Redacción |