O Waterpolo Galaico gaña en Santiago e forza o terceiro partido na semifinal polo título
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Con moito sufrimento pero o Waterpolo Galaico mantén intactas as opcións de manter o título de campión da Liga Galega tras impoñerse no segundo partido da semifinal.
Os pontevedreses chegaban a Santiago sen marxe de erro tras a derrota na casa no primeiro partido da serie, e acabaron gañando ao CW Santiago nos penaltis para forzar o desempate.
Non pintaban ben as cousas para os de Javi de Sáa, que se presentaron na piscina compostelá de Santa Isabel con catro xogadores cadetes e un infantil a causa das baixas, pero sacaron a súa mellor versión dende o primeiro minuto.
O choque comezou tremendamente igualado no primeiro cuarto, igualdade que malia unha vantaxe momentánea dos locais se mantería ao descanso (6-6).
Na reanudación o Galaico puxo unha marcha máis para poñer o 7-10 ao seu favor, pero primeiro nun gol a falta de dous segundos para o final do terceiro cuarto e despois, repetíndose a historia cando só restaban cinco segundos para o final, permitiron empatar ao Santiago para forzar a quenda de penaltis.
Nese momento apareceu a figura do porteiro pontevedrés, Raúl Viceiro, detendo dous lanzamentos que deron un merecido triunfo ao Galaico.
A Federación Galega de Natación deberá confirmar agora a data para o terceiro partido da semifinal, que podería xogarse o próximo 9 de maio tamén en Santiago de Compostela.
CW SANTIAGO (12): Viaño, Fernández, Turnes, Mayer, Ferrer (3), Piñeiro (3), Raposo, Caamaño (2), Suárez (3), Carro, Sampaño, Campaña (1), Raposo.
CW GALAICO PONTEVEDRA (12): Raúl, Rober (3), Aarón (1), Rubén (2), Luis, Miguel, Artai, Andrés (3), Juanjo (2), Iago, Bran (1), Pablo, Manu.
Parciais: 2-2, 4-4, 2-4, 4-2 (penaltis: 1-4).
Relacionadas:
-
O Waterpolo Galaico forza o desempate na final galega tras vencer na Coruña (12-13)
Por Redacción |
-
Derrota do Waterpolo Galaico no primeiro partido da final galega ante o CN Coruña (9-17)
Por Redacción |
-
A final da Liga Galega espera ao Waterpolo Galaico tras vencer en Santiago (8-12)
Por Redacción |
-
O Waterpolo Galaico, contra as cordas tras caer contra o Santiago no primeiro partido da semifinal polo título
Por Redacción |