O Portonovo confórmase coa promoción de ascenso tras caer na casa ante o Lalín (1-2)
Por Redacción
O Noia será o rival do Portonovo na promoción de ascenso entre os terceiros clasificados da Rexional Preferente.
Tras permanecer toda a tempada en ascenso directo e caer ao terceiro posto a falta dun partido, o conxunto arlequinado non puido recuperar unha praza de honra ao caer derrotado na casa ante o Lalín.
Tampouco tería sido suficiente polos triunfos de Barco e Verín, que se levaron o ascenso, e agora haberá que pelexar por impoñerse na eliminatoria contra o Noia para provechar un posible ascenso a Segunda B dun equipo galego, o que supoñería unha nova praza en Terceira.
Rucho inaugurou o marcador para o Lalín facendo o 0-1 á media hora de xogo, pero os de Luis Oliveira lograron igualar pouco despois con sorte cun gol en propia meta.
O Portonovo buscou a partir de aí o triunfo na busca dun milagre, pero o que chegou no último minuto foi o segundo tanto visitante, obra de Dani.
PORTONOVO SD (1): Daniel, Dopazo, Gándara, Iván Renda, Suso Bea, Álex Cubas, Víctor, Nacho, Manu Sieiro (Marcos Blanco, min.67), Diego, Hugo Soto.
CD LALÍN (2): Miguel, Rivas, Rubén Méndez, Toño (Marcos, min.29), Rucho, Imanol, Joaquín (Rajoy, min.37), Iker (Ezequiel, min.68) (Adrián, min.89), Dani Méndez, José García, Lema (Adán, min.54).
Árbitro: González Fernández. Amoestou a Daniel e Marcos Blanco no Portonovo e a Joaquín, José García e Rivas no Lalín.
Goles: 0-1 Rucho (min.30), 1-1 Rubén Méndez en p.p. (min.33), 1-2 Dani (min.89).
Incidencias: Partido disputado no campo de Baltar, Portonovo.