O bo resultado na Copa do Mundo de Portugal eleva a moral de Adrián Sieiro
Por Redacción
É o seu mellor resultado internacional en categoría absoluta nunha disciplina con alto nivel competitivo, o que lle enche de moral para afrontar os seus próximos retos deportivos.
Adrián Sieiro, padexeiro do Piragüismo Poio, conseguiu na Copa do Mundo Sprint de Portugal un cuarto posto no C-1 200.
En augas da localidade lusa de Montemor o Velho, Sieiro parou o crono en 39.244 a menos dun segundo do vencedor, o español Sete Benavides (38.424). Completaron o podio o portugués Helder Silva e o chinés Quian Li.
O pontevedrés contou con opcións de subir ao podio ata os últimos metros, confirmando a súa progesión tras ascender a categoría absoluta.
Ademais do C-1 200 Adrián Sieiro tamén competiu no C-2 1.000 metros xunto ao tudense José Luis Bouza, finalizando no noveno posto, mentres Sergio Vallejo foi eliminado nas series do C-1 1.000 metros.
Tamén lograron o cuarto posto Raquel Rodríguez e Jenifer Casal (Ciudad de Pontevedra) no C-2 500, nunha distancia con poucas embarcacións inscritas.