Papel positivo dos piragüistas pontevedreses no Campionato de Europa de Racice
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Só se logrou unha medalla galega, as do K-4 1.000 metros, pero o Campionato de Europa de Piragüismo en Augas Tranquilas celebrado na localidade checa de Racice evidenciou o avance na preparación dos padexeiros pontevedreses, inmerso a maioría deles na loita por estar en Río 2016.
A medalla, de bronce, tivo como protagonistas a Óscar Carrera (Kayak Tudense) e Rodrigo Germade (Piragüismo Aldán) no equipo español no que tamén estaban Javier Hernanz e Íñigo Peña e que rematou tras a República Checa e Portugal.
Pola súa banda a representación pontevedresa acumulou presenza nas diferentes finais, como o quinto posto de Raquel Rodríguez e Jenifer Casal (Ciudad de Pontevedra) no C-2 500, o sétimo de Adrián Sieiro e Jacobo Lores (Piragüismo Poio) no C-2 200 ou o tamén sétimo de Diego Romero (Breogán do Grove) no C-1 5.000.
Ademais Teresa Portela (Piragüismo Aldán) foi sexta no K-1 200, ao igual que Roi Rodríguez (Kaiak Tudense) en K-1 500 metros, mentres Carlos Arévalo e Cristian Toro foron novenos.
Pola súa banda Tono Campos e Diego Romero (Breogán) non tiveron o seu día no C-2 1.000, quedando fóra da final.
Con todo a cita serviu para preparar nalgúns casos o Campionato do Mundo de Milán, que repartirá a maioría das prazas de clasificación para os Xogos Olímpicos.