Áncora D'Ouro e Santomé únense para crear unha nova escola de fútbol e fútbol sala
Por Redacción
Marín contará a próxima tempada cun novo proxecto deportivo promovido por dous clubs da vila, a SD Santomé de fútbol e o Áncora D'Ouro FS de fútbol sala.
Os dous clubs decidiron unirse para poñer en marcha unha escola de base conxunta.
O acordo implica que os equipos de fútbol sala pasen a denominarse Santomé-Áncora D'Ouro FS, sendo filiais da SD Santomé.
Desta forma o proxecto deportivo arrancará con máis de 150 nenos federados en 16 equipos de fútbol sala e 9 de fútbol nunha estrutura dedicada exclusivamente á base.
A idea dos directivos é que a nova escola organice ademais numerosas actividades deportivas como un campus de verán, diversos torneos, unha escola de tecnificación ou unha escola de porteiros.
Ademais de anunciar prezos asumibles para a inscrición, o club confirmou que habilitará un sistema de bolsas para que os nenos procedentes de familias con problemas económicos poidan integrase no curso deportivo con normalidade.