Inscritos 350 deportistas para a II Carreira Pedestre Volta á Illa de Ons
Por Redacción
Preto de 700 persoas achegaranse este domingo 17 de maio ao corazón do Parque Nacional Illas Atlánticas para gozar da II Carreira Pedestre Volta á Illa de Ons.
A proba, organizada polo Club Corredoiras en colaboración co Concello de Bueu, contará coa participación de 350 deportistas, que percorrerán case 19 quilómetros ao longo da illa.
A carreira iniciarase ás 11:30 horas, e tras ela está prevista unha andaina de entre 5 e 7 quilómetros para a que están inscritas 150 persoas.
O resto de afluencia, ata os 700 previstos, participarán no concurso fotográfico que completa as actividades desta segunda edición.
A demanda cubriu todas as prazas dispoñibles para a carreira. Os barcos a Ons partirán ese día ás 8:45, 9:00 e 9:30 horas para os participantes nalgún dos eventos e as 10:45 para a xente que queira visitar a illa con normalidade ese día.