![](/web/cache/scene/uploads/fotos/foto/fe7/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/552ce26de3-img-20150413-wa0001.jpg)
© CW Galaico Pontevedra
A final da Liga Galega espera ao Waterpolo Galaico tras vencer en Santiago (8-12)
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Club Waterpolo Galaico Pontevedra pelexará polo seu terceiro título consecutivo na Liga Galega tras impoñerse no terceiro partido da semifinal ante o CW Santiago (8-12).
Contra todo prognóstico, tras ceder no primeiro partido da serie, os de Javi de Sáa lograron remontar cun segundo partido que se decidiu por penaltis e co terceiro en que culminaron a machada ao impoñerse de xeito máis claro.
A pesar de contar con varias baixas, o Galaico realizou un bo encontro, aguantando as acometidas iniciais dos composteláns e marcando a diferenza no segundo e terceiro cuarto.
Foi nese momento no que, cun gran traballo defensivo e parcial de 0-5, rematou por decidirse a eliminatoria.
Nos últimos minutos varias expulsións puxeron en apertos aos pontevedreses, pero solucionárono co bo facer da segunda unidade e de Raúl na portaría.
Agora o Galaico enfrontarase na final, ao mellor de tres partidos, ao campión da liga regular, en CN Coruña, co primeiro encontro o próximo sábado no Centro Galego de Tecnificación Deportiva de Pontevedra.
CW SANTIAGO (8): Viaño, Montoiro, Turnes, Mayer, Ferrer (1), Piñeiro (2), Raposo, Caamaño (2), Suárez (3), Carro, Sampaño, Campaña, Raposo.
CW GALAICO PONTEVEDRA (12): Raúl, Rober (1), Aarón (3), Rubén (2), Luis, Miguel, Ángel (1), Andrés (3), Juanjo, Iago, Bran (1), Artai (1).
Parciais: 4-3, 0-3, 0-2, 4-4.
Incidencias: Partido disputado na piscina de Santa Isabel, Santiago de Compostela.
Relacionadas:
-
O Waterpolo Galaico forza o desempate na final galega tras vencer na Coruña (12-13)
Por Redacción |
-
Derrota do Waterpolo Galaico no primeiro partido da final galega ante o CN Coruña (9-17)
Por Redacción |
-
O Waterpolo Galaico gaña en Santiago e forza o terceiro partido na semifinal polo título
Por Redacción |
-
O Waterpolo Galaico, contra as cordas tras caer contra o Santiago no primeiro partido da semifinal polo título
Por Redacción |