O Marcón respira e achégase á permanencia tras vencer ao Pontevedra B (0-1)
Por Redacción
O gol de Martín aos 17 minutos vale ouro para o Marcón na súa loita pola permenancia na Rexional Preferente.
Os de Carlés venceron pola mínima (0-1) ao Pontevedra B na Xunqueira e achéganse ao obxectivo, distanciando a catro puntos a zona de posibles arrastres cando restan só dúas xornadas para o final da liga.
O Marcón saíu decidido a levarse o encontro dende o primeiro minuto, pero tras adiantarse decidiu dar un paso atrás e esperar a oportunidade para sentenciar.
A partir dese momento apenas contou con opcións, pero o filial si puido empatar, sobre todo na segunda metade cun disparo que se foi á madeira.
Con este resultado o Marcón suma 44 puntos na décimo quinta praza, mentres o Pontevedra B segue último con 14.
PONTEVEDRA CF (0): Jose, Dani Otero, Iago, Hugo, Corrales, Mario, Filgueira, Nacho (Guillermo, min.63), Ramón (Manu Piñeiro, min.16), Abrahan (Mikias, min.56), Roberto (Brais, min.72).
MARCÓN ATLÉTICO (1): Joaquín, Marcos, Álvaro, Pablo, Valiñas (Rodri, min.79), Sapi (Chamadoira, min.70), Arturo, Iago, Manuel, Martín, Baptiste (Damián, min.87).
Árbitro: Castro Fernández. Amoestou a Filgueira, Hugo, Dani Otero, Iago e Roberto no Pontevedra B e a Manuel, Arturo, Valiñas, Sapi e Martín no Marcón.
Gol: 0-1 Martín (min.17).
Incidencias: Partido disputado no campo da Xunqueira, Pontevedra.