O Deportivo B consegue o subcampionato a custa dun Arosa que di adeus ao play-off (3-1)
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Dominio e superioridade total do Deportivo B, que se xogaba as súas últimas opcións de manter a persecusión do Pontevedra, ante un Arosa que tamén necesitaba gañar para seguir con esperanzas de remontar posicións e acceder ao cuarto posto. Ao final ningún dos dous conseguiu o seu obxectivo. Os herculinos ante o empate do Pontevedra, que lles deixaba sen posibilidades matemáticas de alcanzar o primeiro posto, e os arosistas cunha derrota que lles deixa fóra da loita.
Polo menos o triunfo local serve aos de Manu Mosquera para asegurarse o segundo posto, mentres o equipo que adestra Piscis asina unha recta final de campionato que lle levou á zona morna da táboa.
O Deportivo B levou o peso do partido dende o primeiro momento. Dani Iglesias adiantaba aos locais no marcador, cun bo remate dende o interior da área, e o propio Dani Iglesias conseguía o segundo pouco despois.
Lixeira melloría arosista na segunda parte, aínda que as mellores ocasións foron locais, como un remate de novo de Dani Iglesias que se foi ao poste e outras tres ocasións nas que Jorge Pérez evitou a sentenza.
Na recta final Adrián Camiño ao transformar un penalti daba emoción ao partido e Javi Pazos no último minuto puido empatar, pero o seu remate de cabeza marchou fóra por pouco. Na xogada seguinte, co tempo cumprido, Cañi pechaba a conta co terceiro gol local.
DEPORTIVO B (3): David; Adrián, Jorge, Rober, Iago, Sam Piette (Santi Taboada, min. 74), Cardoso, Queijeiro, Dani Iglesias, Ángel (Juan, min. 84) e Remeseiro (Cañi, min. 62).
AROSA SC (1): Jorge Pérez; Juanjo, Nano, Martín, Fon (Javi Pazos, min. 74), Rivas (Pablo Vázquez, min. 46), Nando (Santi Padín, min. 84), Juan Rodríguez, Quique Cubas, Adrián Camiño e Eloy Fariña.
Árbitro: Javier Pérez Prado (Lugo), auxiliado en bandas por Adrián Busto Veiga e Jesús López Fernández. Amoestou a Sam Piette, Remeseiro, Adrián e Queijeiro, polos locais, e a Rivas polos visitantes.
Goles: (1-0) Minuto 26: Dani Iglesias. (2-0) Minuto 34: Dani Iglesias. (2-1) Minuto 83: Adrián Camiño, de penalti. (3-1) Minuto 89: Cañi.
Incidencias: Cidade deportiva do Real Club Deportivo da Coruña "El Mundo del Fútbol" (Abegondo). Uns 300 espectadores.
Relacionadas:
-
Un gol de David Pérez ao seu irmán Jorge decide o derbi na Lomba para o Ribadumia (0-1)
Por Redacción |
-
29 de maio, data para as eleccións á presidencia do Arosa
Por Redacción |
-
Goleada do Arosa (3-0) sobre un Ribadeo que paga caro o seu atrevemento
Por Redacción |
-
O Bergantiños (1-0) deixa ao Arosa a expensas dun milagre para meterse no play-off
Por Redacción |