O Bergantiños (1-0) deixa ao Arosa a expensas dun milagre para meterse no play-off
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Era practicamente a última oportunidade para o Arosa de reengancharse á loita polo cuarto posto, pero chegaba no peor momento. As baixas por lesión ou sanción, como os casos de Javi Pazos e Adrián Camiño, deixaron aos de Piscis en cadro ante un Bergantiños que, como os arosistas, quería agarrarse ás últimas opcións de subirse ao carro do pla-off, despois de cumprir sobradamente o seu obxectivo da tempada coa permanencia garantida.
E non puideron sacar os arlequinados nada positivo dun escenario no que as accións a balón parado adoitan ser decisivas. Ao Arosa faltáballe o seu especialista e por se fose pouco nunha delas encaixou o gol que resolvería o partido, nun remate de Álex Canedo á saída dun córner botado por Gonzalo.
O partido tivo poucas ocasións de perigo. Coas defensas superando os ataques e ausencia case total de fútbol de toque. O gol ao fío do descanso reforzou a aposta dos de Javier Oreiro, que se armaron atrás en defensa da vantaxe conseguida, sen que os visitantes conseguisen crear perigo serio.
Con este resultado o Arosa queda a cinco puntos do cuarto posto, pero na décima posición, con moitos rivais por diante, o que, salvo milagre nas catro xornadas que faltan, case lles descarta para loitar polo ascenso.
BERGANTIÿOS CF (1): Christopher; Becerra, Aarón, Sergio, Álex Canedo, Toni, David García, Iván Amor (Astray, min. 34), Gonzalo (Pablo Garrido, min. 86) e Denis (Alessandro, min. 73).
AROSA SC (0): Jorge Pérez; Juanjo, Nano, Martín, Juan Rodríguez, Alfonso, Nando (Santi Padín, min. 54), Esteban Capelo, Quique Cubas, Pablo Vázquez e Juanito (Eloy, min. 56).
Árbitro: Fernando Formoso Sánchez (Ferrol), auxiliado en bandas por José Antonio Rodríguez Dopico e Adrián González Franco. Amoestou o adestrador local, Javier Oreiro e aos xogadores visitantes Vixo e Juanjo.
Goles: (1-0) Minuto 41: Álex Canedo.
Incidencias: Campo Municipal das Eiroas (Carballo). Uns 200 espectadores.
Relacionadas:
-
O Deportivo B consegue o subcampionato a custa dun Arosa que di adeus ao play-off (3-1)
Por Redacción |
-
Goleada do Arosa (3-0) sobre un Ribadeo que paga caro o seu atrevemento
Por Redacción |
-
As sancións castigan o Arosa tras o derbi contra o Pontevedra
Por Redacción |
-
Pablo Carnero fai xustiza e decide no minuto 96 un derbi polémico entre Arosa e Pontevedra (1-2)
Por Ramiro Espiño & Diego Torrado |